MAKTAB TA’LIMIDA BILIMNI BAHOLASHNING AN’ANAVIY VA ZAMONAVIY USULLARI

Abstract

Mazkur maqolada maktab ta’limida bilimni baholashning an’anaviy (yozma, og‘zaki, test) hamda zamonaviy (diagnostik, formatif, summativ, reyting, kriterial, rubrika, monitoring) usullari nazariy-pedagogik jihatdan tahlil qilinadi. Baholashning ta’lim jarayonidagi diagnostik, rivojlantiruvchi, rag‘batlantiruvchi va nazorat funksiyalari yoritilib, baholashni sinf, maktab va tizim darajasida izchil tashkil etish zarurati asoslanadi. Maqolada an’anaviy baholashning afzalliklari bilan bir qatorda mavjud cheklovlari ham ochib beriladi hamda ularni zamonaviy baholash yondashuvlari bilan uyg‘unlashtirish yo‘llari ko‘rsatib beriladi. Tadqiqot natijalari maktab ta’limida baholash tizimini takomillashtirish va ta’lim sifatini oshirishga xizmat qiluvchi ilmiy-uslubiy xulosalar chiqarishga imkon beradi.