KICHIK VA O`RTA BIZNESDA YOSHLAR BANDLIGINI TA’MINLASH UCHUN BIZNES KO‘NIKMALARINING ROLI

Abstract

Mazkur maqolada yoshlar bandligini ta’minlashda ta’lim sifati, iqtisodiy bilimlar va biznes ko‘nikmalarining o‘zaro bog‘liqligi ilmiy-nazariy hamda amaliy jihatdan tahlil qilingan. Yoshlarning mehnat bozorida raqobatbardosh bo‘lishi uchun faqat diplomga ega bo‘lish yetarli emasligi, balki moliyaviy savodxonlik, tadbirkorlik tafakkuri, biznes-reja tuzish, raqamli texnologiyalardan foydalanish, marketing va boshqaruv ko‘nikmalari muhim ahamiyat kasb etishi asoslab berilgan. Maqolada O‘zbekistonda yoshlar soni, yoshlar ishsizligi, davlat dasturlari va yoshlar tadbirkorligini qo‘llab-quvvatlashga oid statistik ma’lumotlar tahlil qilingan. Shuningdek, 18–30 yoshdagi yoshlarning ishga joylashish va tadbirkorlik faoliyatini boshlashda duch kelayotgan asosiy muammolari aniqlangan. Maqola yakunida ta’lim muassasalari, mahalla, banklar, ish beruvchilar va yoshlar yetakchilari hamkorligida “ta’lim — ko‘nikma — tadbirkorlik — bandlik” zanjirini kuchaytirish bo‘yicha ilmiy-amaliy tavsiyalar ishlab chiqilgan.