ALOUDDIN BUXORIYNING “SHARHU-L-FIQHI-L-AKBAR” ASARIDA ILOHIYOTGA OID IXTILOFLARNING YORITILISHI

Abstract

Mazkur maqolada Alouddin Buxoriyning “Sharhu-l-Fiqhi-l-akbar” asari asosida ilohiyotga oid teologik masalalar — xususan, Alloh taoloning mavjudligi, yagonaligi va sifatlari haqidagi bahslar tahlil qilinadi. Asarda Moturidiy ta’limoti doirasida olamning hodisligi va uning yaratuvchisini isbotlashda qo‘llaniladigan aqliy hamda naqliy dalillar ko‘rib chiqiladi. “Tamanu’ burahoni” (ikki iloh bo'lish mumkin emasligini isbotlovchi mantiqiy hujjat) Alouddin Buxoriy tomonidan qanday tushuntirilgani va bu masalaga doir boshqa ulamo qarashlari — G‘azzoliy, Imom Taftazoniy, Ibn Arabiy — tahlilga tortiladi.